Phantsi komthi womngcunube
Umthi odlisela ngamagqabi
Amagqabi aluhlaza yaka.
Ndibethwa ngumoya woxolo
Amehlo wam akhangela esibhaka-bhakeni
Ndiziva ndikufutshane kuQamata
uQamata uphakathi kwendalo
Indalo ikuQamata uqobo.

Kukho ifuthe loxolo
Phantsi kwalo mthunzi
Undenza ndilibale ngazo
zonke intsunguzi
Ngendikhulula ndihambe ze
Nto nje, ndingatyholwa ngobugqwirha
Ngomnye wababalusi bathe ngqwadalala kwelithafa.

Ingqondo iziva ize
Ikhululwe kumatyathanga woxinizelelo
Ingqondo iziva indiza
kwilizwe elingenaba gxeki nazi gxeko
Lo mthunzi yingotsi yokhuphalaza imbilini.