Lonto ubuhle bakho bundigwengxile

Uncumo lwakho lwandigqudisa

Intetho zakho zandival’iindlebe

Ndiphazamile bendiba ungumhlobo wam

Ubuliyolisa ke loo nto

Ingaba ulutshaba luni na Wena?

Uyingcuka eyambethe ufele lwegusha

Ndimvile ugqi-gqi

Ndakubona ukucwebezela kwesikhali Sakho

Ndikuvile ukugragrama kwakho

Bazamile ukundophula kuwe

Bazamile ukundivul’ amehlo neendlebe

Kodwa uthando lwam kuwe lwasuka lwandongamela