Wena loyiko ungumhlukumezi wentliziyo,

Ukwanguye nomtyholi odida ingqondo,

Ungumntu owambethe ifele lempuku,

Yona ethi xa iphumile emngxunyeni ibaleke ngokungafun’ ukubonwa mntu.

Uyinto elawulwa yimimoya emdaka.

Kutheni lento ungabafikeli abenzi bobubi?

Yintoni lento ufikela amalungisa?

Yintoni le ibangela ungafiki kwabo bathatha imiphefumlo yabo?

Yintoni lento ungafikiyo xa kusehla okubi?

Usisiqalekiso! Mkhohlakali ndin!

Ndiye ndikoyike nam xa uxel’ amaz’ olwandle

Ufikela intandane ezinga swelento

Intliziyo ibetha ngesantya esiphezulu sele kusehla okuhle

Kungenxa yakho sikhohlakali !

Uyinto esoloko ijonge iskrobo sokugqobhozela

Owu! Yazi sokhala kubani na?

Kungokuba udalwe ngubani kanti wena?

Ndinenqala ngokunga ufika ngamaxesha angafanelekanga.

Ohh! Akusenani sesiphila ngawe sikhoboze.

Noko ngamanye amaxesha uye usisindise ebubini.