Ubuntombi bam,
Ngakhetha ukuyobubhubhudla esami iskhathi
Singakafiki , kuhle kwama-2K
Ngakhetha ukuba inkukhu yakwa-Nandos
Ekubeni ngabe ngazigcina , ngahlalisa okwenkukhu yase-Shoprite .
Umkenenezo wothisha nabazali bam ,
Bengikhuza ngalomfana owayengithembisa izulu nomhlaba
Usadlala ekhanda lami
Phela namhlanje angiseyilutho
Ngenxa yamaphutha nezenzo zam engazenza
Ngingacabanganga ,
Sengifikelwa nawukuzisola uma
Ngibona ontanga bam bengodokotela ,
Bengo-Njiniyela
Injabulo yabazali bam ngayiphencula izinyembezi,
Izinyembezi zabo ngaziphendula igazi
Ubuntombi bam
Ngakhetha ukuyobubhubhudla inkomo
Kamama nobaba ingaphumanga .