Ubuhle bakho ntokazi
Ubuhle bendalo. Umuhle
Uvuka, umuhle ulele.
Sengathi ungahlale useduze nami
Ngoba ngiyakuthokozela
Ukuba khona kwakho.
Wena awusathandwa yinhliziyo
Yami kepha usuthandwa
Umoya wami.
Ngichazwa ukumamatheka
Kwakho ntokazi emhlophe.
Phela wena uyindoni yamanzi,
Ngiyakujabulela ukukwazi
Kwami, ngoba ukube
Angikwazanga ngabe angibazanga
Ubuhle bumuntu onjengawe.
Ubuhle bakho ntokazi ziqhenye
Ngabo ungabuniki abantu
Abazobumosha. Umuhle
Ntokazi emhlophe, Umuhle.