Ijoo! Rare ijoo!
Ke mang a ka kgalemelago a kwagala?
O kae yo a ka bolelago a theetšwa?
E re ke leke seo nna Moroka wa meetse a pula.
Mosadi wa go kgotlelela tlaišo ka lapeng,
O tla hwelela a kgonne senko,
A hloka mo a ka llelago,
A hloka mo a ka tšhabelago,
Ke lefšega a se mogalegadi,
O fšega go ema ka maoto boka basadisadi,
A bula molomo a kwagala.
Ruri monna wa go tlaiša basadi,
Ke lefšega ga se monnatia,
O hloka lerapo la mokokotlo boka bannanna,
O hlolwa ke maikarabelo,
Ga a tsebe gore monna o ba le pelo e telele,
A hlokomela esego go tlaiša,
A matlafatša e se go nyefola,
A thekga esego go nyatša,
A aga esego go betha,
Monna o ba le maikarabelo