O Modimo wa mašabašaba,

O yena makgoka a kgokolla,

Yena makgona tšeo di sa kgonegego,

Ba bangwe o ba file masea,

Ba bangwe o ba file mešomo,

Ba bangwe o ba file malapa.

O moabi wa dimpho,

Mothei wa legodimo le lefase,

Moabi wa mahlatse le mahlogonolo,

O morena yo a lokilego,

Molwedi wa rena kgahlanong le malwetši,

Re putlile ka gare ga Corona ka lebaka la gago,

Re a go leboga wena moleta Isiraele.

Ga o robale bošego le mosegare,

O lala o thibile seatla sa gago kgahlanong le meleko,

Re buša moya ka bohlale bja gago,

Nna ke go bitša Modimo wa go se šitwe ke selo,

Ba bangwe ba go bitša ‘Nkulunkulu’,

Ba bangwe ba go bitša ‘Nkosi’,

Kua Nigeria ba re ‘Chimo’,

O Morena wa mašabašaba.