O be o tšere kae pelonolo?
Mo o ilego wa nolofalela bohle,
Wa aga kgotso lefaseng lohle,
Wa hlola lerato setšhabeng,
Wa hlola poelano go Maafrika,
O bile mogale mobung wa Afrika,
Wa ba leswika la motheo,
Wa re ge ba go sohlaganya,
Wa retela boka lona leswika,
Leo le sa pšhatlegego,
Re go rolela mongatse
Ra go opela magoswi
Re go bitša ka mabitšo
O tatago setšhaba sohle
O motswadi wa bohle