Lapeng o tlile e le ditlaišegong,
Tatemogolo o be a ragile lepai,
Ya re ge o re phathaa! lefaseng,
Wa reiwa leina la mahlomoleng,
Leina la go hlatha ditsikitlano tša meno,
Ba rile wena o Sello o tlile dillong,
Ba re wena o fihlile go lliwa gohle,
O Sello gomme lehono o monna,
O boile thabeng ya bogwera le bodikana,
Le ge re meditše meokgo kgale,
Wena o reng o re tsošetša dihlabi?
O reng o napa o re tlišetša dillo,
O lehodu o utswetša bakgekolo,
O ba hlolela dillo ba phela ba lla,
Ke eng ka wena Sello?