Sesibala amasonto sifike enyangeni yokugcina yokuphela konyaka, ngikhuluma ngoZibandlela oqeda amaphakethe.

Sekwaba ukhondolo ukuthi sifike sisebenze unyaka wonke kuzothi enyangeni yokugcina siyidle siyiqede yonke imali, unyaka nonyaka siwuqala ngokuyokwenza isicelo semali mboleko komashonisa ukuze sizothengela izingane imifaniswano.

Angiyiphathi ke eyezingozi zemigwaqo ezidlula nemiphefumulo engenacala, seziqalile nje kumanje izintlekelele ziyasiqeda.

Sengathi uMdali ubengahambela ngakithi asiphephise masesisehla sinyuka sibheke kumakhaya ngamakhaya.

Ngyacabanga aseqalile amalungiselelo emitholampilo okwamukela labo abazobe begwaziwe ezindawani zokucima ukoma.

Ubuhlungu yona lento yokuthi siqhuzulwa itshe elilodwa unyaka nonyaka.

Sesizivikile saqeda izingozi zemigwaqo nemimese yase ndaweni zokucima ukumo, qham thushu igenge yemithi nenkemba yayo.

Sesosizwa imikhuleko kuphela makunje, asithandazeni umasizothatha indlela ngisho siyakamakhelwane asithandazeni.