mana wa mina
wena u simekeke malebvu exilepfini
ringhala emavokeeni ne xifuveni xa mina
manana risokoti ra xikwembu
kunene ndlopfu u dlele

loko swita eka khwiri ra mina
u pandza manga u siya misava yi ahlamile
ku kotisa nghala leyi dzumaka yi levaka
U Kariha bya huku,
Huku leyi vonaka ndzuti wa gama emapapeni .

mintirho ni rirhandzu ra wena
swi ninginikisa misava,
misava leyi uyi rwaleke hi min’wala ya wena
Na tona titshava ku sukela etshakwin ku fikela ehluhlurwini
Timintsu ta vuswana ti kala ti simuka

u ndzi rhwalile hi khwirhi ra wena
undzi rwalile hi rirhandzu ra wena
vutomi bya mina hi nkwabyu
Manana,
muluki wa mano
masasa vunanga
Wena unga yetleriki hiri mbambu rinwe