U tile bya gandlati ra malangavi ya ndzilo..

Vunkarhi bya ku byi vavisile lavo tala,

U pambule nyimpfu leyo nona u siya swinciwana.

Mbuyangwana hikweru hi sale hi lo goo!

Ku tiputa vusiwana no ti khoma swihlaya ku vile ntolovelo..

U vutlile laha a hi tshembele kona, hi sala hi hlangene tinhloko..

Va n’wana va ku i ngi u lo pambula lowo pfumala manu.

Kambe hi ta ku yini,

Hikuva Xikwembu a xi lava wa loyi.

Xana u xilo muni xo pfumala dzhanu?

Ndzi vula wena wa matinu ya vunkarhi yo tshama ya tlhothele ku phoro nyama..

U pambula u tlhela u nga twi la ku vavaka.

Xana i vangani va faneleke kufa leswaku uta hela ntamu?

Rifu a wuna twela vusiwana

Wena rifu i nsinya ra honyololo.