O mang wena o hwilego letswalo?
O pelo e ntsho, ga o na lešoko
O kgamathetše madi, o tšhilafetše
O mmolai wa batho ba go hloka molato
Lefaseng ba šupana ka menwana
Ba phara batho ka melato yeo ba sa e tsebego
Ba kitelwa mantšu ka ganong
Ba a tlengwa ebile ba lahlelwa kgolegong
Wena modiri o nabile maoto, o hlapeditše
O bolaile wa Afrika Borwa mokapotene
O mang o sa e tšweletše wa ipolela bonnete?
Wa imologa wa otlwa ka ya gago kotlo?
Le ge go le bjalo o ikutile, o mang?”
O nyamaletše, o tsene bjang botala
O bolaile wa rena rammino
O mang ge o sa iponagatše?
O hunyetše empa o gona o sa ja bogobe
O tseba gabotse gore o mmolai
Lehono o bolaile naletšana ya Afrika Borwa
E iketše e be e sa lle ka bolwetši
E le tšitširipa e sa lle ka dihlabi
O mo amogile bophelo a sa letela
O mang wena mmolai?
O rongwa ke mang go tliša meokgo setšhabeng?
O boelwa ke eng ge o apara kobo ya babolai?
O hloilwe ke setšhaba sa Afrika Borwa