Ngumzimba wam

yiTempile yobukhosi bukaThixo.

Yinto entle ethandekayo nebukekayo.

Yindalo ecikiziweyo ngokwenkangeleko.

Lona ngumzimba wam.

umhle ngandlela zonke.

ndiwuthanda ngentliziyo yam yonke.

Amehlo wam aqgam-qgam.

Iindlebe zam ezibhaku-bhaku.

Isisu sam esiphinda-phindeneyo.

Amadolo wam adibeneyo.

Iinzwane zam ezithe Saaaaa!!!.

Zonke zezam, ngumzimba wam omhle!

Likhaya lam, elinemfudumalo nothando.

Likhaya lam, ligcina intliziyo yam ikhuselekile.

Liqokobhe lam, kwakuna imvula ndizimela kulo.

Lona ngumzimba wam.

Umhle ngandlela zonke.

Ndiwuthanda ngentliziyo yam yonke.

Iinyeke zam ezincinci.

Iingalo zam ezityebileyo.

Iiminyama esinqeni uyakuma emathangeni.

Iimilenze yam enentungo.

Amaqatha atsolo.

Zonke zezam! ngumzimba wam omhle.

Endiwuthanda ngentliziyo yam yonke.

                         – Z. NYOKANA