Ingithumbile indelelo ngakloloda
Ngazishaya indiva iziyalo zenu
Ngakhetha amagquma nemimango
Ngathi ngiyekeni ngilibangise kwanhliziyo ngise
Ngikwenza lokho ngisenjabuleni yabangani mbumbulu
Ngikhohliswe uthando lwesikhashana
Ngaze ngabulala nengomso lami.
Ngaze ngakuzonda nhliziyo ngise
Ngicela ningithethelele
Bengikhuzwa ngingalalele .
Bengiboniswa ngingagqizi qakala .
Bengixwayiswa ngingenandaba
Ngihawukelwa ngingahawulekeki
Ngilahlekelwe wubungane ngisemncane.
Ngicela uxolo bazali bami
Abangani bami bonke bangijikele
Ngihlezi emgwaqeni anginamlamuleli.
Sengikhale kwaphela nalezo nyembezi
Sengithandaze kwaphela nalezo nyembezi
Sengiyawakhumbula amazwi enu
Sengiphilela imicabango neminjunju yezinhlungu.
Ngicela uxolo bazali bami
Bathi isalakutshelwa sibona ngomopho
Beyingicida imvula ngihlezi emapayipini .
Beyingishaya imsebe yelanga ngisemapayipini
Belingidumela ngikhosele ngaphansi kwezihlahla zomyezane
Okwami okwezandla ukuba okwezinyawo ngabe ngiyakubalekela.
Ngicela ningixolele bazali bami
Bengidlala ukuhlupheka ngisemigwaqeni
Bengidlala ukweswela ngikude nekhaya
Namuhla amehlo ami asevulekile
Ngifunde kabuhlungu ngafunda ngozokubona
Ngiyaphenduka ebubini bami ngiyazisola
Ingincamisile nempilo yasejele
Ngiboshelwa ukugqekeza nokweba.
Nalapho ngingenamlamleli
Ngethemba bafundile abeza emva kwami
Bazali bami ngicela uxolo.