Ndabizwa ndasabela ezinzulwini zobusuku ndilele kwakho ilizwi elithetha nam lisithi “Esi Sisipho esikunika sona singamaXaba noo Cirha”
Oh ndandicinga ukuba liphupha suke ndayiqhuzula intsini ukuvuka kwam ngelithi ndiyaphupha
Kodwa sazela savela sanditya ndavuka ndacel’inkcazelo ko Cirha ooNojaholo njengamXhosa ndazek’umxhelo ndaguqa koo Xaba ndacel’inkcazelo.
Ntonje minizana ithile ndabufumana inkcazelo kwathi mandithathe iphepha ndiphokoze imbilini yam
Ndityekezise usiba luchaz’intlungu yam
Ndatsho ndasibona isipho sam
Andinguye umbhali gxebe imbongi
Kodwa ndingumphilisi wentliziyo nemiphefumlo
Ndizisuncumo kwabadakumbileyo
Ndingumesuli nomthuthuzeli wenyembezi
Ndiluvuyo kwabantliziyo zibuhlungu
Bambi bathi ndingu Monwabisi kodwa mna ndithi
Igama lokusabela ndingu Mvelo gama elo lithetha i Ndalo ndisisiqhamo esihle esidalelwe ukuzokukhulula amaqhina e ntliziyo
Elokhokho ndingu Nkohla
Ndizopholisa amanxeba omphefumlo ngesipho sam endasiphiwa ngo Cirha
Ewe ndingumXhosa
Ndingu
MamCirha, uNojaholo, Khawuta, Malangana, Nkosiyamntu, Mhlantl’endlovu, Hasa-dala, uQhangqolo, Nyembezana, Ncibane, Zontswentswe, u Hloml’iphuthi lidala lineempondo, Amabandla ase Gqorha kulo Ntsikana, Kulo Helushe, kulo Ngqeza, emQathweni wendlovu, Ilunga lamaphakathi, Nokhonongo, Imazi egush’ibele kanti ezinye zibukula amathole, Butsolo bentonga