Ke Manthole ngwana o ja le bja mmagwe
Ke matswalo a morena lefaseng go fasagane
Ke nako ya meketeko le lethabo go bohle
Ye nako ke ya go tlala ka menate
Ke maikhutšo a morena batho ba thabile
Go a engwaengwa bošego le mosegare
Go a binwa ebile go a hlakelwa
Banwi ba mabjala ba nwa bošego le mosegare
Ba a nwa ba ba ba palelwa ke go bolela
Go realo ke ge ba re ba a thaba ba thabiša kgopolo
Ba re ba thabiša mebele ya bona, ke maikhutšo
Nkeng le mpheng tsebe lena banwi ba mabele mabelega batho
Nkeng le mpheng tsebe lena baotledi ba difatanaga
Lebelo la koloi le bolaya lehu nyaa!
O se nwe madila wa fetša wa otlela
O se ke wa bolela ka mogala o otlela
Bophelo bjo e sa le bjo botelele
Bana ba lena ba sa le rata
Metswalle ya lena e sa le hloka
Pherekgong le yona e sa le letile.