E wele naletšana ya lebowa!
Ye be e re kganyetša sa gore “TWAAA !”.
E wele ka modu kutwana ya morinka.
Sona sekaonafatša sa rena,
Mehla yohle ge be re fokola mmelen wa rona..
Lebota le be re ithekga ka lona.
Boka nalete mohlabeng, re timeletšwe!
Re timeletšwe ke peu yeo re lemilego ka yona mašemo,
Yona ya go re bunela ya go phadima nawa.
Eupša, a re homotšegeng bana ba thari!
Gase semaka, ke moeng fela yoo a etelago lapa ka lapa.
Ka ye bohloko yeo e robegilego pelo.
Le mmoko woo o ngenegilego,
“ Homošegang ?!”.
“Dutse, go duma a maatla boka phefo ye e tšutlago, monaganong.”
Go dutše go duma a “Nkaabe ke tsebile!”
“Ke duma nke ke hweditše sebaka, sa go ala a mafelelo a go tšwa mafahleng”
Ke duma nke ke mmoditše, gore la gotšwa pelong yaka lerato le tletše la go falala go yena”.
Mohlomonngwe, o be atla mponegela sa mafelelo seetša!
Le ge nke ele sa Kerese..
Sa go nkgorela ye hlwahlwa tsela ya bophelo,
Maikutlong wa ka, ke nna le wena.
E ka ba ele ye sankego wa e tsoma swiri?
goba ona meetlwa ya moretšhe maoto ka bobedi.
Eupsa, ,homotšega ga se semaka!
Kgitla sa lewatle, golokile!
Eupša, O dumelele pelo e boele madulong.
Le meokgo o phomole.
O buše moya samma!
Gase semaka, ke thato ya Ntate yo Godimo-dimo, Ramasedi e phethagetše!