Luthando hambela nangakimi
Ngihlukane nokuhlala ngihamba ngedwa okwejuba lidukelene nawakubo.
Dilika ntaba sibonane noyothandwa inhliziyo yam, naye ayithande futhi.
Ngibabele kwamagama onoshukela
Kwamahleka kuvele elomhlathi.
Suka nkungu ngisibone isiphalaphala sam
Esinyathela ngabantwana namazinyo aluthotho.
Ngikhuluma ngendoni yamanzi
Ipatshaza lami elinguphuma langa sikothe.
Awu kodwa swidi lam lokhuhlane
Imbali ekhanya isalukazi sicoshe inayiti.
Ngivumele leni ngiwabambe amatom
Noma ngigijimise okwe phisi.