Lona elothando uphawu ndilufumene.
Kungatshona amalanga nqunqe,
Xa ndinothi ndithethe ngendlela endiziva ngayo ngawe.
Ndingayibhala incwadi enomlomo obumvu ngawe.
Akhonto engacacisa indlela endikuthanda ngayo.
Ndathanda, ndaze ndafumana uphawu koluthando.
Phawu elo esoze ndiyeke ukulithanda.
Uluphawu lothando mntanam.
Hlala phantsi undinike indlebe undimamele.
Zibaze zonke ezondlebana sana lwam ndikuxelele.
Ubukho bakho empilweni yam kuqhakazise ubom bam.
Ndiphilela wena, mamela mna ndim uyihlo.
Ndikuthande ndingekakuboni,
Ndikuthande ungekafiki kweli.
Lona elothando uphawu ndilufumene.
Uba uthando belungekho ngewungekho.
Phawulothando mntanam,
Uluphawu lothando lwam nonyoko.
Noba andisekho kweli uzungamlibali utata.
Kaloku uluphawu lothando lukatata.
Lona elothando uphawu ndilufumene.