Le life Iyiskorokoro akulon’ iphupho
Iyiskorokoro le life akuwona umbono
Ukuze uyibon’ uding’ umqondo
Nezazi sezibhek’ ikusasa ngezipopolo
Zithemb’ ikusasa lizoba ngcono
Sesithemba lon’ ithemba ngokuba nokholo
Sasitsheliwe izinsuku zokugcina ziyoba nzima
Njengesalakutshenwa sesibona ngomopho
Noma sesibona kodwa luth’ asikholwa
Le life Iyiskorokoro ihlul’ amakholwa
Won’ akhulek’ ashay’ emid’ imthandazo
Athi izoba ngcono ‘ma singavuma izono
Athi ayikho into engahlul’ umkhuleko
Asho ewubiza ubaba wethu eguqe ngedolo
Ngcono siyikhulekele siyibek’ izandla
Le life idinga siyibek’ izandla iding’ ukuphushwa
Sibon’ akwenzeki sicabanga sinamashwa
Le life Iyiskorokoro iding’ ukuncengwa
Le life Iyiskorokoro iduma ‘ma kuthanda yona
Ike isinik’ ithemba idumadume ithi ukuhamba
Isahamba vel’ ikhwehlel’ ikhiphe intuth’ mnyama
Yazi ukuthi isingathula noma inini ingacima
Mhlawumbe ‘ma sicela umininiyo aselekelele
Sesikwenze konke iyasehlula akangenelele
uMbuso wobukhomanisi wehlulekile
uMbuso womashiqela nawo wehlulekile
Owentando yeningi wehlukile nawo wehlulekile
UMbuso wakho mafike sekwanele manje
Namathe impela aze abuyela kwasifuba
Le life Iyiskorokoro ungezwa ngomuntu ek’tshela
Ixake nababonayo sebevele bazidlel’ imbumbe
Nabaholi babantu behlangene beyimbumba
Le life Iyiskorokoro lo akuwona umbono
Ukuze uyibone udinga umqondo
Siyathand’ asithandi la siding’ usizo
Le life Iyiskorokoro isidla amandl’ omnotho
Nezigwili zithi umnotho awusizi ngalutho
Le life Iyiskorokoro idinga kutotoswa
Solokhu siyincengile ukuphenduka kwesondo
kuzoza noshintsho ze siphil’ engcono
Ngoba le life yona Iyiskorokoro akulon’ iphupho
Mhlawumbe isizoduma kwazi bani?
Ayidumi kanjal’ uma isizohamba
Masiqhubeke siyiphusha singaphel’ amandla!