Sengihlulekile manje
Kunzima ngiyazama kuphela amandla
Ngiyazama ukuchaza kepha akukho
Namunye ongizwayo ngiyasha mama
Ngizwa ngathi umhlaba uyangijikela
Ngiyazama ukuveza izimpawu kepha Kunzima
Akekho namunye ozibonayo
Mama ngikhathele manje
Ukufa kwami kusobala kuzongibulala
Ngihambile Zonke izibhendlela
Kuphele ngisho imali namathemba okusinda
Ngiyasha inhliziyo indabukile mah
Dokotela siza ngiyafa bo
Lekelela mama “aaaah”
Kunzima sesiside lesikhathi ngixoleleni
Bazali bami bengifisa ukuba nani
Kepha ngiyabona kuyangigqoba ukufa
Ngiyazi mama awunalutho esandleni
Yingakho ngikhethe ukuthula ngoxolo
Nokuba uhlukumezele ngibuka ngawayizolo
Uze ungikhonzele kowami untwana
Benginezifiso ezinkulu kepha ubuhlungu mama,
Mama uze ungixolele bekungeyona inhloso
Kepha ngithemba uzoqonda emva kwenxesha
Uze ungixolisele nakwabangithandayo
Ngiyethemba lapha engibheke khona
Ngizophola kulama nxeba
Indlela yami isivuthiwe emazulwini
Bengifisa ukuthola usizo ngesikhathi
Mama uze ungazisoli unqina mama
Bomakhelwane bami niyenzile indlela yami yanzima
Okuhle kodwa kini ngiyethemba nijabule
Nithokozile ngohambo lwami.
Ndlovukazi yami uze ungakhali
Lona oseleyo uyohlezi ekukhumbuza Mina
Uyophenduka uqobo lwami uze umphathe kahle
Umfundise indlela enhle
Haaa! Mama ngiyasha