Ngithi khuzani kwanele manje
Ngokuqothwa kwembokodo.
Osekuyinsakavukela umchilo wesidwaba
Ukugingqwa gingqwa kwayo.
Noma ngingazi yenzeni
Ngiyayi xolisela.
Nomasezikhal’ingane zabantu ziyabulawa
Kanti emhlabeni kuxolelwa abanjani?
Ngiyakhuleka koNdabezitha
Ngithi ngicela ningenelele.
Kukhuzwe lomkhuba
Wokubulawa kwabesifazane.
Ngyavuma sibalobolile
Kodwa lokho akusho ukuthi sibabulale.
Selashonephi uthando
Olasenza sabalobola?
Nami angazi benzeni
Kodwa ngyabaxolisela.
Noma zihambile inkomo nenkece
Ngyabaxolisela ngenhliziyo emnene.
Asibakhombise uthando
Sibakhulule bayekamathanda nhliziyo
Kunokuba sibabulale.
Khuzani kwanele manje
Ngokubulawa kwenzala bantu.
Ngikhuluma ngenzala maqhawe
Yesizwe sikaPhunga noMageba.
Umnyama osho ngenwele ezigoqene
Nje ngoboya bemvu.
Singaphenduki inhlekisa
Kwabakama ngesandla.
Khuzani kwanele manje.