Ke keresemose,

Bana le kae?

Aparelang Morena,

Yena Morena Jesu,

Yena a re hwetšego,

A re filego bophelo,

Mo apareng tše dibotse,

Mo apareleng tša mapolomo,

Ke keresemose,

Batswadi le iphihlile kae?

Apeang dijo tša matsaka,

Le bontšheng bokgwari pitšeng,

Go jeweng go tlatša dimpa,

Le thabeleng yona keresemose,

Le amogeleng letšatši le,

Gatang le gatoga.

Ke keresemose,

Bakgalabje le kae?

Emang dikgorong le amogeleng makarapa,

Le bešeng dinama muši o tupe,

Go nkge nama gohle,

Lethabo le rakeleng malapa,

Ke keresemose batho bohle thabang.