Bophelo bo ke bo phelang ke ba ho thabisa metswalle.

Ke tsoha le bona ke robala le bona,

Ke ja le bona ebile ke nwa le bona,

Ke wa le bona ke phahama le bona.

Eya, nna le metswalle yaka re phedisana mmoho.

Empa se nkutlwisang bohloko ke hore re hulana ka thapo e bodileng,

Re eletsana ka diketso tse mpe le boitshwaro boo ebileng ke swabela batswadi baka ba ka tseba le ho utlwa seo ke se phelang le metswalle yaka.

Ke phela leshano!

Ke ya utswa ebile ke tsebahala ke le sekebekoa ka hara ditjhabatjhaba.

Mme le Ntate ba ile ba nkh ō disa ka hara tempele ya Jehova ho tloha bonyaneng baka.

Kajeno ke moholo ke na le boikarabelo ba bophelo baka ke inkela diqeto.

Mme … ntate, hobaneng le saka la nsiyela maele lefatsheng?

Hobaneng le sa njwetsa ke tla kopana le metsoalle e fosahetseng ka leleng la matsatsi?

Hobaneng le sa njwetsa bophelong mona ha o le ngoana oa moswanyana o sa tla kopana le mathata a fetang matla a hao a senna?

Fela seja monna ha se moqeti. Ke motho ya aparang mabaibai, ya dieta tse benyang ka mehla.

Ebile ha o ka mpona o kebe wa nahana ke morui,

Tjhee bo! Diaparo tsena ke tseo ke di utswang hara mpa ya bosiu dichabeng,

Ke phela leshano!