Balla sa mmokotsane bana
Ba tlepesela ba thothomela
Ba hadikisa mahlo ba thenthetsa dintshi fatshe
A senang pelo a tele
La moshapa la mopudukanya
Molomo wa kopana le dinko
Jona weeeh! Lefatshe Le Kgopo.
Joooh weeeh, lefatshe ke la mahomola!
Hale kgethe nku ka pere
Lebo a hadikisa a ntja-nyana mahlo
A re phapha a le moputswa
Jooh weeh! Lefatshe Le Kgopo
Banna ba hloka bonna
Basadi ba hloka bosadi
Seja monna ha se moqete!
Jooh! Lefatshe Le Kgopo
Ra kitela resatswa ho kitela
Tsa ropoha ditutudu
Ratela ho bokolla
Jonna weeeh! Lefatshe Le Kgopo
Ntho towe, o senang ba heno
O senang pelo
O hlokang mohua
O hlokang maikutlo
O mosinye wa lefatshe!
O satana, o diabolose!
Joonna weeeh! Lefatshe lona Le Kgopo
Sefeleng dipelo bahaeso!
Emang le thenthetse lefatshe
Emang le mofe wa hae mobu
Se kopane hlooho Lebohang!
Leboha lefatshe.
Le o tisitse pelo la o etsa motho
Jooh! Lefatshe Le Kgopo.
Ba disia disiwana basa tshabeng
Bona ba dumelli ba hanyetsi
Ba maphelo a batho
Ra diaha ditutudu
Ra hloleha hodi diha
Wa thunya mosi fatsheng le tjheleng
Fatsheng le hlokang bophelo
Ha lla ntja ha lla kgoho. . .
Mantswe a thola
Manto a ba boima ho phahama
Ha utlwahala moya kantle
Dinonyana tsa tela ho bina.
Dikgoho tsa tela h olla.
Jooh! Ruri lefatshe le, ke La Mahlomola!
Jonana weeeh! Lefatshe Lona ke la Kgopo
Mmele ya matha dinalete.
Pelo tsa tetebela.
Jonna weeeh! Lefatshe Le Kgopo!