Mhlazana ndilal’ukuthula
Ndicela ningandikhaleli,
liyobe lifikile ixesha lam lokubheka
kwikhaya lam lokugqibela.
Ndiyazi lona liyothi lifika ilif’elimnyama
Nibe ningalindelanga, akakho umntu
olaziyo ixesha lakhe sonke sidalwe ngokufana.
Mhlazana ndiwushiya lomhlaba ndiyazi aningekhe
Nikholelwe, Sacela ningandikhaleli
nindiyeke ndihambe ngokuthula
lapho umoya wam uyophumla
ngoxolo.
Ilahleko yam ingaze inimangaze
kakade asizuhamba ngendlela enye.
Kakade thina sidalelwe lonto, into
Ekumele niyazi sonke sisezolahleka
ngedlela ezingaqondakaliyo
Sibushiya ubunyuru-nyuru nobuzaka-zaka
Bomhlaba.
Lendlela ndizabe ndiyihamba yile
Yahanjwa Boo baw’omkhulu
Nabo basilahleka ngendlela eyothusayo
Sade saqhela ukuba abekho
Kwaye sobe baphinde babekhona
De kube lusuku lovuko.
Ningandikhaleli! Ndiyazi abanye
Bendisezintliziyweni kodwa xasendisithele,
Ndiwufulathele lomhlaba
Kuze kungabina singqala nanyembezi.
Ingantle into yoba niwonwabele
Umhla wam wokugoduka
Ukuze ndizolala ngoxolo.
Inye into eniyoyikhumbula ngam zizenzo,
Nempatho, nentlonipho endingayenzanga
Ayikho kulomhlapha kuyobe
Kufike usuku lophumlo.
Isithuthuzelo.