Uyincwadi engafundeki.

Uza phenywa njani, unga phenyeki.

Kungakho sebaku, phanyeke eentromuleni.

Amagama wakho ayagugunyana.

Uzahluzwa ngubani nawutloleke ngalindlela.

Akekho noyedwa onamalukuluku,

wokobanyana akubuyekeze ungafundeki.

Napaya! baphaya izandla, ngokutloleka kwakho.

Alo! Umlando wakho uzakwaziwa ngubani.

Idumo lakho liduma qwatjhi!

Ngifisa ukubona ozafunda.

Incwadi ebhunubhunu njengawe nje.

Abazathi bayakwazi kuzabe kumhlolo.

Utjhuguluka njengamabele ngendeni.

Ipilo yakho ifana patsi! nesivunguvungwani.

Awuthembisi njenge petsi.

Ungatjhinga nabanengi.

Inengi liyatjho ngokumodza kwabo kuwe.

Iye! Khona uyitlolile yakho incwadi.

Umtlolo ongamukeleki esitjhabeni.

Umtlolo wakho unganasithomo.

Ubusuku abuyiqophi intwala.

Umtloli: Themba Emanuel Mashobane