Ngikubonile wangangibona

Ngikufunile wangangifuna

Ngikuthandile wangangithanda

Ngikuncengile wakhukhumala

Wangiqhomela ngaqobeka

Ngabuyela kowam’ umgodi

Wangiphendula isiphukuphuku

Wangihlekisa ngabangani bakho

Wath’ angisiyon’ inhlobo yakho

Ngoba ngingekh’ emgangathweni

Wempilo yakho yamanga

Nezinkanuko zomhlaba

Eziphelel’ emoyeni

Namhlanje sekunguwena

Uvumbuka okwenyoka

Ephum’ emgodini

Uthi angisakuboni

Uthi mina ngiyazibona

Njengomenzi

Usukhohliwe na!