Lona wadla imali yezipoki,

Eyibhubhudla kuzozonk’izipoti.

Namuhla ungafunga uyisipoki,

Nabangani bamanga, niphil’ubuxoki,

Sebefunga yena kulezopoti,

Njengoba sekungath’isipoki nje,

Wadla imali yezipoki,

Usefisa nokuba yisipoki.

Abazali bafa maqede bashiy’amafa,

Waf’olwembiza ngokungabi nangqondo,

Kwala sikukhuza sikubonisa,

Namuhla uyazikhumbula lezoluleko,

Namuhla usukhala ngomkhuleko,

Okungapheli kuyahlola mfowethu,

Sathi sikhuz’umhlola wasishay’indiva.

Amathuba esandleni uwanikiwe,

Ngokungaphiw’emqondweni uwalahlile,

Uzokhalela bani ngoba sikutshelile,

Ngamanzi abandayo wena uzithelile,

Ngiyathemba isifundo usifundile,

Ubomlalela nochakile phambi kwakho,

Nesichaka siyokwenza ocebile,

Bheka namuhl’amehlo acwebile,

Imali yezipoki yaphelel’ezipotini.