Besihleli sinabe iinyawo,

Kwavela into ephaphako,

Ivela iyavumbuluka.

Njengesela elingakalindelwa.

Yahluthula yavele yaphaphela phezulu.

Yatjhingela, sasala sibambe wangenzasi.

Kwabanemibuzo eminengi engaphenduleki.

Kwasolwa abasolwako.

Iphasi lajama ntshi.

Kwangathi ipilo nayo ijamile.

Nakumamanzi wona aphalakile.

Akusakgoneki ukuwabutha.

Iinhloko zijamile, azisaberegi kuhle.

Kurhwaqele kusakhanya.

Kwatjhayiswana ngeenhloko.

Nomunye nomunye uyabuza ukuthi into le ehluthulileko ngenjani.

Inombala onjani?

Iphapha bunjani?

Itjhingele kuphi?

Nakuyinto yona ihluthulile,

Ihluthule ngendlela emsinya khulu.

Ihluthule singakatjheji.

Ihluthule yathatha, yabaleka.

Nakusikhathi angeze sabuyele’ mva.

Kuphelile.