Ge meetse a tšhologile o ka se a olele

Le ge o ka tsitsitša  fase

O ka seke wa ntšha meetse a le mobung

Go diregile o ka se fetole felo

Le ge o ka lomaganya meno

Wa phethonkgana o lla ka meokgo

O repitlana ebile o šupa batho ka menwana

Go diregile o ka se fetole selo

Le ge o ka se amogele pelong ya gago

Wa itebatša ka seo se diregilego

Wa nwa bjala o leka go itebatša

O tlo robala empa wa tsoga wa hwetša go sa fetoga selo

Wa hwetša go sa diregile ka mokgwa ona wo

Go diregile go diregile

O ka se fetole selo