Mawethu isiko lisiko

Yimvelo esavel’ ikho kwaXhosa

Engenak’bhangiswa nak’phathiswa

Efun’ukugcinwa ,i xatyiswe ilondolozwe

Ndijongile nje ityeshelwa

Inukukunezwa, isonyeliswa

Kant’ibiyinto enesidima kwa Xhosa

Indalo eyayimkholis’ uQamata

Kunamhlanje nje , kuhlob’ igazi

kune zinye zgulo zifun’ isiko

Wofik’ amaxhwel’ amhloph’ ewangawangisa

Sbe isgulo sona isesakwa Xhosa

Singalahl’amasiko sisengozini

Yokphulukana nobuhlanga bethu

Sbe ngontakaa- mpuku bamaRhanuga

Bambe bajike bazenz’ amalawu

Ndithi kuni mzi ka Phalo

isiko lisiko

Sasisenz’ amadini nemibingelelo

Sthethe sbhekise kookhokho

Isiko yintsika yeentsika

Besifudula sizeka sesendisa kwa Xhosa

Besifudula sisalusa , sthombisa kwantu

Ziph’ iimin’ ezimnandi kwi zwe lakowethu?

Sisingisa phina isizwe sakowethu ?

Xa sbhebheth’ uchulumanco kookhokho

Ingab’ asibizele shangushe na ?

Mawethu masbuyeleni kundalashe

Sbuyeleni ku Qamata wethu

Singawalahli amasiko nezithethe sethu

Singabulahli Ubuntu bethu

Mandiphel’ emehlweni ndisal’ ezintliziyweni !