Hee wena bolwetši!
Ke ra wena AIDS,
O bothata maphelong a batho,
O yona tšhitadingaka mafetša batho,
O bolwetši bja kgang le mereba,
Ge o tsene mmeleng wa motho ga o tsamaye,
O itirela boithatelo ka mokgwa wo o nyakago,
O ba mmeleng wa motho gomme le letlalo la omelela,
Wena bolwetši o paletše dingaka tša bomatwetwe,
Ba tšhubile mešunkwane ya mehutahuta,
Wa retela mo ba bangwe ba šiilego lefase,
Ka lebaka la go leka go tšhabela wena twatši ya HIV&AIDS,
Ruri go fenya wena ke go ikgweranya le baoki,
Phela ka moreana ,
Ntle le fao o ka raga lepai.