NOMA: Ke nyaka go dula mo nka lokologago. O ra gore tafola yona ye e ka jelwa. Bona gore e tupa bjang? E na le ditwatši gape. Le e hlatswitše neng la mafelelo?

THABO: (Ka go tenega) O sa re ratela maemo wena. Re a ja mo gomme ge o nyaka go ja eja o tlogele go ahlama o sa fetše.

MAPULA: O ngwana wa mohuta mang wena le lenyatšo le lekaaka? Nke o re fe moya hle wena ngwana wa Modimo. Re go thabetše empa wena o a re nyenya.

 Thabo o lebelela Noma)

LEBO: Dula fase o kgone go ja. (A mo beela setulo).

NOMA:(O hlaba rice ka foroko) Go apeile mang? Kua Sekgoweng ga re e apee ka tsela ye. Lena le e apea sekgale. A e bose ebile e swele. Mphe meetse!

MPHO: (Ka dihlong) O dula kae kua Gauteng? Bophelo bjo bjang kua ntshe?

SARAH: Ke a tseba gore go tletše dikoloi tše dintšhi. Vuuum! Vuuuum!

NOMA: (Ka go tenega) Le a rasa. A le kwe gore le a swabiša. Le le bakgekolo ba ba kaaka a le tsebe Gauteng?

THABO: Noma ke eng ka wena? O reng o sena botho mo go bana bešo? O ja nna, o hlapa nna kua Gauteng. Ke go topile dipolaseng kua Gauteng o sena selo. Ka go phutha go fihla gabjale. O reng o sena botho bjo ke go bontšhitšego bjona?

SARAH: (Ka makalo) Ge a le mo ga a šome?

THABO: (O tenegile) O bolela ka mošomo? Ga a na le mangwalo a marematlou. Seo a ka se dirago ke go rekiša dichipi tša Marabastaaad.

MPHO: Aowii wena, Noma. Nna ke re o mooki wa go rutega.

MAPULA: Makoti yo ruri o ntletše dimpa

Mafelo