Ndamva esangena ngesango ukuba uhamba nomthyoli, eqhuba amatakane ehefuzela eticela esifubeni.Ndazixelela ukuba lamnyango andizuwukuvula unkqonkqoze, unkqonkqoze kabini kathathu walikhaba icango layokuwa.Amehlo ayebhalwe indzondo ngathi unamadimoni.Bachasela abantwana bazimela ngam benditsala ngelokhwe.Thixo uqalile lodothi.Ndimbuze kakuhle igama lalento ayenzayo yintoni”wathi yiyoyo nomntya wayo ngumzi wakhe lo yimali yakhe le siyityayo undilobele ngalange elinye ngoku uzonkwenza nantoni nah ayithandayo”.

Wabe enditsalela egumbini lokulala phambi kwabantwana,izinto azakundenza zona ezibiza ngamagama.Bavala iindlebe abantwan,wandiqhwaba ngeempama kwalandela isihlangu emabeleni ndayokuwa ngenqentsu.Wandinyathela entanyeni ndandixakwe kukuphefumla,kanti lendoda ndiyenzeni?endiyuca endithuka ngobuhlwempu basekhaya.”Esithi wandichola ezindingeni ndibole icala”. Bendisithi umtshato yiParadesi lo ndikuwo yiHadesi.Ndeva ilizwi likanontombi ekhwaza esthi”mama baleka uzokubulala utata”Abantwana bam bobathathu bengomba icango bekhala.

Yabe lendoda indiphakanisa indiphosa emandlwaleni ilindele undindlwengula nanje ngesiqhelo.Ndimkhabe ebukhoaini womiwa yinto endingayaziyo xandiqala ukubaleka wandunqakula ngomlenze ndayokuwa ngesilevu ndophuka amazinyo.Oomakhelwane babesiva isikhalo ntonje bazixelela okokuba abazingeni,abazuzintyanda igila ngenkuku yommelwane siyixhelwa.Yayingathi kuyagwetywa ekorobha ngam phantsi,isihogo andisazi kodwa lo ngumfuziselo waso.Ngapha efuna nocantsi endiphosa naphantsi.Ndandilelo yosiyosi lizenzela ngentla nangaphantsi ndimlinde walala.Uthe esathe tywa ulwimi lungaphandle ndamxhumela ndambamba ngalobhongwane ndikhala ndingqisha phantsi ndizixelele ukuba namhlanje ndizombonisa abaphantsi.

Abantwana bakhala besithi sumbulala torhwana uzobotshwa sizoshiyeka nobani.Ndazixelela ukuba andizukumyeka engazenzelanga,ebhedula amehlo ndawuva umphefumlo uphuma.Ndimbulele umyeni wam mantyi ndigwebe ndinetyala.Bendisithi umtshato yiParadesi!!

E.Hlwayi