Bafundzi, imfundvo ibalulekile futsi kubalulekile kutsi sibe nemfundvo.Banyenti bantfu langaphandle labangakafundzi labafisa kungena sikolo Kanye futsi banyenti labayekele sikolo labafisa ngatsi bangaphindzela emuva.Wena kodvwa ulapha esikolweni,tsatsa lelitfuba ufundze utimisele ungalimoshi.

Kubuhlungu kubona bobhudi nabomzala betfu bayekele tikolo.Besitsi ngakusasa sitobabona sebabosomabhizinisi kodvwa sibabona emigcwaceni bacela bopondo, bese siyatibuta kutsi baphelele kuphi.

Ngiyaphindza futsi imfundvo ibalulekile, imfundvo isikhiya sekuvula yonkhe iminyango leya ekuphumeleleni.Imphumelelo akusiyo intfo longavuka utsi uyoyenta kufuneka uyisebentele ngokutikhandla nekutimisela ,ayikho intfo lengakuyisa ekuphumeleleni uma ute imfundvo,inkomo ingatala umuntfu.

Njalo uma esikolweni kufuneka wati kutsi uyakoyentani,futsi ubalalele bothishela bakho ngoba ngibo labakuniketa lwati lolutsite,futsi lelolwati labakuniketa lona liyokusita ngakusasa .Sonkhe sinemaphupho netifiso lesifuna kutifeza kute sitifeze kucala ngemfundvo,bayokubona labanemehlo.

Wonkhe umuntfu uyatikhetsela kutsi uyafundza uyacedza nome ushiya sikolo kodvwa ubogawula ubheke,ubuke futsi uma ushiya sikolo ,salakutjelwa utawubona ngemopho.