“Kulungile-ke nangu lomunye umsindvo,” kwasho Gogo agobana acondza kuBella. Mncwaaa! Kwasho kuhlala kucabuza lokukhulu esihlatsini saBella. Bella bekasakhohliwe kutsi ubale imisindvo lemingaki, kepha lona bewuphuma embili emhlabeni wonkhe!

“Ngumsindvo wami lengiwutsandza kakhulu kunayo yonkhe!” washo amamatseka.

Ngesikhatsi sekulala, Make wabuta Bella, “Uyawati yini umsindvo wami lengiwutsandza kakhulu kutsi ngumuphi?”

“Ngumuphi,” kwabuta Bella.

“Ngulona!” kwasho Make, akitalakita Bella esiswini.

Gwa gwa gwa, gwi gwi gwi, ha, ha, hee, hee, ha, ha, hee, hee! Kwahleka Bella.

Yebo! Luhleko lungumsindvo lomnandzi kakhulu emhlabeni wonkhe. Ucabanga kutsini?