Kamora ntlo sephethephethe se ne se utlwahala se le hole kwana. Ba ne ba kgona le ho utlwa pina e monate ya nonyana ha e re tswii-tswii. Bella a kwala mahlo mme a pholla Noodle. Mme ka bobedi ba tlolela hodimo!

“Itjhuu! Jowee ! Itjhuuu!” Modumo o mobe ka ho fetisisa o ne o tswa tlung ya Nkgono ka lehlakoreng le leng la lebota. Kapele, Bella a matha ho ya bolella mmae seo a se utlwileng.

“Ho na le medumo e tshabehang e tswang ntlong ya Nkgono!” ho hoeletsa Bella ka hodima modumo wa vrrrrr, vrrrrr! wa motjhine o hlwekisang. Mme a o tima.

“Ha ke a utlwa letho,” ha rialo Mme. “Mamela!” ha rialo Bella. Yaba Mme o a o utlwa!

“Itjhuu! Jowee! Itjhuu!”

“Ke Nkgono,” ha rialo Mme. “Potlaka! Ha re tsamaye re ilo utlwa hore molato ke eng.”