Bella o ne a tshwerwe ke bodutu mme Mme o ne a ena le mosebetsi wa ho hlwekisa lelapa. “Nka Noodle le ke le yo otlwa ke moya ka ntle,” ha rialo Mme.

Noodle a latela Bella ho ya ka ntle mme a dula pela hae pela tsela. Bella a fehelwa mme a fofonela moya. O ne o sa nkge foreshe. O ne o nkga sephethephethe se nkgang hampe.

Vuum! koloi ya feta. Pepe! ha feta e nngwe. Thoro, thoro, thoro! ha feta sethuthuthu. Khutjhu-kgotjho kgotjho! ha feta baki ya kgale ka mabidi a yona a tsofetseng le mmele wa yona wa kgale o rusitseng.

Bella a qala ho bala medumo e mo potileng. E ne e se e le medumo e mene kaofela!

Kgofo, kgofo, kgofo! ha utlwahala terili e tjhekang tsela. Grrrrrrrrrrr! ha rora Noodle a rorela terili. Tufo, tufo, tufo! ha utlwahala mmino o phahameng o tswa ka hara tekisi.

Hanna, hanna, hanna! ho pepeta mosadi ya buelang hodimo selefounong ya hae. Kwatla, kwatla, kwatla! ke ditopo tsa hae ha a tsamaya ka thoko ho tsela. Thwitjhi, thwitjhi, thwitjhi! ha feta semathi pela Bella. Habu, habu, habu! ha bohola Noodle a bohola semathi. Tswii, tswii, tswii! moshemane a letsa molodi a feta ka baesekele.

“Medumo e LESHOME LE METSO E MMEDI!” ha rialo Bella.

Empa marata ana kaofela a ne a se a qala ho tsekedisa hlooho ya Bella, kahoo a tlohela ho bala mme a re, “Tloo, Noodle, ha re ye kamora ntlo moo ho kgutsitseng ha monate.”