Umoy’ uyophul’ uphambanis’ uphekuze.
Uvuthuza kuphuk’ imisesane kuse yonk’ indalo ithe waca kub’ uza nokufa kwanokuphila.

Yayibobunye obobusuku kaloku umoya wawumi ngenyawo,
uvus’ abaleleyo bahlale ngempundu bambi babaleke beme ngeminyango.
Umoya lihashe lomdyarho, ubaleka ngesantya ngathi ngumbane.

Vukuvuku ndini elingumoya, ulixelegwazana elungenalusini lomkhonzi.
Uvuthuz’ uhamb’ ukrwel’ ukrwents’ ukrazule, ngubani na okucaphukisileyo.