Thando uyintoni na ukuqaqambis’ intliziyo
Wena ungumdibanisi nomphixanisi
Wena ungumxhaphazi wentliziyo

Thando bunje ngentyantyambo eqaqambileyo
Wena ubungumncumisi wentliziyo
Wabuya wangumdanisi wentliziyo

Zininzi iingxwelerha ngenxa yakho thando
Iingxabano zininzi ngenxa yakho thando

Ubuyintoni na thando kwintliziyo?
Ngokuzis’ uvuyo nemfundumalo kwintliziyo
Ngokushiy’ unxunguphalo nosizi

Wena thando unjenge siyobisi
Lowo uthe wamkwamkela akakwazi kuyeka
Lowo uthe wakwamkela umshiya elixhoba

Abo bakulangazelelayo bathi usisipho
Abo banamava bathi usisihogo
Bathi usisihogo esintsal’ iintliziyo ezimsulwa

Singabanye siguqa phantsi sicela wena
Singabanye silal’intliziyo zophukile
Singabanye sayibek’ inqawe ngenxa yakho

Thando,thando