Ndo u ṱanganedza ndi sa u ḓivhi
U mueni o ḓaho u tswa vhuhana hanga
Nda tea u aluwa ndi songo aluwa
Nge vhumme kha nṋe ha khokhonya
Vhuḓifhinduleli kha nṋe ha omba-omba

Ndi tshi zwi lavhelesa nga iṱo ḽi si na mangai
Ndi wana u dzanga ḽa khwinesa ḽe nda kovhelwa
Ndi zwone muthu ha bebi mbilu
Fhedzi vhunga ṅwana wa mbevha a sa hangwi mukwita
Zwinzhi ndi ḓo ganya nga iwe

Zwino mphe nḓevhe iwe ṅwananga
Vhe tsiwana i laiwa nḓilani asizwo!
A vha nṋe ndi u thoma u tshe lukhanḓwa
Matshelo hu sa vho ḓo vha u lenga
Ndi ri ḓilonde u londe na mutshila wau.