Ke lesogana la gaMohlala’ maganagobushwa ke bathopsa bja lefase
Kare ke feta sekgelemobung ka hwetsa tsela’pedi di ngkemetse
Ge kere ka ya ngele ka hwetsa lekgarebe sewaphoka sengkemetse,
Se itshwere mahlaya se maketse noga’hlogo tse pedi
Ka re ka la goja;
Ke hwetsa digo meropa mahlaka dikwakwa le dikwekwe di ngkemetse,
Dire tla o binele sa geno setso.
Kare ke tshaba la mmutla,
Ka fihla nokeng ka hwetsa mehlahla engkemetse,
Ere ntire legogwa mosate ke komelelo.
Kare ke tshaba la motshabapula,
A wela komeng tsa bapedi ka hwetsa masogana angkemetse,
Bare koma keng?
Kare ‘kgomo e apsa’
Bare e gangwa ke mang?
Ka thuntsha lerole masogana’sala a swere mafofa borwa bofokile.
Kare ke fihla gae Mashishing,
Ka hwetsa dipula ele kgogolamooko
Mpunyana ofetile le selemo
Ya ba ele sohlogo sa bonare
Maloba ele maabane
Kare ke hlonola direthe ke lebile morago ga kgwete,
Ka hwetsa ngwana kgosi a gorosa,
Bare lekgeswa le kae?
Ka lla sa bosuana sello
Kare ‘nthwanthwaletse’