Umphefumlo wam wonakele
Ngqondo idiniwe
Kuzulazula phakathi kwengcinga
Mphefumlo wam wophukile
Ndiziva ndintekenteke
Ndilibobosi elinentliziy’incangathi
Ntliziy’intlekentleke
Ndiziva ndi ethe-ethe
Kuba kaloku wena wandibamba inkcakrankakra
Ndajingxela ndinethemba lokuba ungumqolo wam
Phi ke?
Naku ungqongophele okwezinyo letyiphu
Ndide ndinokhephekhephe
Mbilini undithini ngeloxesha
Mphefumlo wam wonakele
Ntliziyo ilihlwiiiili
Inengcindi okomsizi
Ndiyabeva ubunzima balentlungu
Kude kuvothoke isifuba
Ndinesangotha ngalamahlahla ndiwarhuqayo
Mphefumlo wam wophukile
Ndonakele
Ndilimele