Ngqanga nentsibazayo ndiyabhotisa
Kaloku ndima ngelokulumkisa
Andixakwe xhaka-xhaka xhel’ixhala
Ndizam’ubuchule nobucwephesha ngezepolitiko
Ngqondw’eqhaqhazelis’iqhinga ndiqhawul’iqhaga
Ndicagcatha ndicing’igcutswana lengcinga

Ngcungcw’ezicwecwel’icigcolwana legcaphe
Ndizam’uxhaxh’umxholo ntonje ndinenxeba
Ndinoloyiko Lwezepolitiko midaka yakuthi
Nditsh’ohlohlesabo amachul’ubuciko kwezemali
Ngeba ndibile ndimaxhapheshu ndichisinika luvalo

Andifuni kugquka mibutho ntonje ndifun’ukuyidiliza
Ndibhiq’esika Qhel’ingqanga ndikruquluza
Andiqonde kuqhabalaka ndixel’inxila likhabalaza
Kodwa ndithi zenikhumbule ntozakuth’okhokho bethu bazabalaza

Ndeequsa ndiyinto ka Qhel’ingqanga ndiqhiqhitheka ndiqhel’uqhol’iqhathe kaloku makwedini