Gobaneng o timetša batho?
O se hlola moferefere gare ga leleme le mare.
Go reng o diriša batho dilo tšeo di seng tša loka?
Batho ke dinganga ka lebaka la gago.
Ge ba go swere le ge ba ka wela ka leopeng wena ba a go phološa.
Bohlokwa bja gago maphelong a rena ke eng?
Ge o tsene mading a motho o mo dira kgoši, mola naka tša gona di sa kgomarele hlogo.
Ge o tsene mading melao ya tsela e fetoga lefela.
Melao ya batswadi e fetoga lefela.
Lethabo leo o re fago lona ke la mohuta mang
Leo le re nyatšišago batswadi?
Lethabo la gago le re wetša melekong.
Ke lona lethabo leo re le hlokago?
O thabela ke bo mang, ga e se ditlaela fela!?