Ngaphesheya komfula kuhlale kukuhlaza
Bazokutshela aba ngeneno njengawe.
Ngifisa ukukutshela mina ukuthi
Nalana omukhona kukuhlaza nakhona.
Abanga phesheya babona okufanayo nobo
Bafuna ukuza la umikhona.
Bazokutshela abaseMampondweni
Bathi uyaphathwa umuthi kwaZulu.
Kanti abakwaZulu bazokutshela
Ukuthi uyaphathwa umuthi emaMpondweni.
Injalo into mayikude ihlala ikhazimula
Ukwedlula eseduzane.
Ngikhulile ngifundile
Futhi ngibonile.
Intombi iyayenza indoda idele uNkosikazi
Iyiyenga ngenhlonipho edlulayo.
NoNkosikazi uyayilahla indoda yakhe
Eyengwe ngobukhazikhazi obudlulayo.
Ongayiniseliyo eyakhe insimu
Uyohlale ebona ezabanye zikuhlaza.
Shanela lana umi khona ungazikhohlwa
Ukuthi nawe ungaphesheya komfula.