Rhabulaph’ ungafinci.
Ayibobubele yimvuze mvuze.
Ngumjel’ otsits’ ungomi.
Ngumthomb’ onkcenkcez’ unganqamki.
Thand’ olungagugiyo.
Thand’ olungaphumi zimvi.

Ndiyaxhamazela,ndimaxhaphetshu
ndixhakaxhaka zimfundiso zakho.
Intliziyo ithe mfi izele ubulumko.
Ndibhukuxile zimfundiso zakho.

Oloncumo lunik’ ithemb’ubom bukrakra.
Yinqab’ enqwenisayo kwababukeleyo
Andali,andikhali futhi andisoli
Andinasikrokro ngakuwe
Ndiyavum’ undikhulise ngothando.

Thando lukaTata.
Alunqandwa zintshutshiso
Alubhudlwa mimoya
Alothuswa zizithonga zezulu
Aluqhwithelwa nkqwithelo.

Tata wam enkosi ngothando lwakho.