Bella o be a bolawa ke bodutu gomme Mma a swanetše go hlwekiša ngwako. “Tšea Noodle le bethwe ke moya,” a realo Mma. Noodle o ile a ya go Bella ka ntle gomme a dula kgauswi le yena pheibementeng. Bella a hemela godimo a kwa monkgo wa moya. O be o se na monkgo o moswa. Go nkga sephethephethe.

Vruum! sefatanaga sa sepela. Piip! sefatanaga se sengwe. Perr, perr, perr! ke sethuthuthu. Kgwehleporr-porr! ke bene ya kgale ka mathaere a go fela le mmele wa go rusa.

Bella a thoma go bala medumo ya mo a lego gona. E be e šetše e le ye mene!

Turr, turr, turrr! sefehlatsela. Grrrrrrrrrrr! Noodle a goba sefehlatsela.

Duu, duu, duu! ke mmino go tšwa thekising. Waa, waa, waa! mosadi o bolela ka go hlaboša lentšu sellathekeng. Thwaa, thwaa, thwaa! dieta tša mosadi ge a sepela pheibementeng. Kgwaa, kgwaa, kgwaa! motho wa go kitima a feta Bella. Hauu, hauu, hauu! Noodle ya goba motho wa go kitima. fierr, fierr, fierr! mošemane wa paesekele a letša nakana.

“Medumo ya LESOMEPEDI!” a realo Bella. Efela medumo ye e be e thoma go dira gore hlogo ya Bella e huduege, gomme a tlogela go balela a re, “Etla, Noodle, areye ka kua mafuri fao go lego bose ebile go se na mašata.”